Telerau ac Amodau

Mae data yn y gwasanaeth hwn yn eiddo i’r DHSC a nhw yw’r Rheolydd Data. Mae’r telerau ychwanegol canlynol hefyd yn berthnasol i’ch defnydd o’n gwefan:

• Polisi Preifatrwydd Be Part of Research, sy’n nodi sut y byddwn yn defnyddio eich data personol. Bydd defnyddwyr y gwasanaeth yn parchu preifatrwydd data personol fel yr amlinellir yn y Polisi hwn
• Polisi Cwcis Be Part of Research, sy’n cyflwyno gwybodaeth am y cwcis ar ein gwefan

Mae’n rhaid i chi fod yn 18 oed neu hŷn i greu cyfrif Be Part of Research. Trwy greu cyfrif, gallwch chi gofrestru eich diddordeb mewn gwaith ymchwil iechyd a gofal yn rhwydd. Fel gwirfoddolwr, rydych chi’n darparu gwybodaeth bersonol amdanoch chi eich hun ac yn rhoi cydsyniad i rywun gysylltu â chi am astudiaethau ymchwil.

Ar ôl i chi greu cyfrif, gallech gael eich cyfeirio at astudiaeth ymchwil a allai fod yn addas yn unol â’r wybodaeth yr ydych wedi ei rhannu gyda’r gwasanaeth. Sylwer na fydd cofrestru eich manylion i rywun gysylltu â chi, tynnu eich cydsyniad i rywun gysylltu â chi yn ôl a/neu benderfynu a ydych am gymryd rhan mewn astudiaeth ymchwil ai peidio yn effeithio ar eich gofal meddygol mewn unrhyw ffordd.

Bydd tîm Be Part of Research yn cysylltu â chi am astudiaethau sydd wedi’u cymeradwyo’n foesegol a’u cefnogi gan NIHR yn unig. Gallai’r astudiaethau hyn gael eu rhedeg gan sefydliadau anfasnachol, gan gynnwys y GIG, prifysgolion a sefydliadau academaidd neu gwmnïau masnachol sy’n gwneud gwaith ymchwil iechyd, fel sefydliadau ymchwil clinigol a chwmnïau fferyllol.

Mae gwaith ymchwil yn aml yn cael ei wneud mewn ymddiriedolaethau ysbytai’r GIG, ond gallai hefyd gael ei wneud mewn mannau eraill, gan gynnwys meddygfeydd teulu, clinigau preifat ac ysgolion yn dibynnu ar y math o waith ymchwil sy’n cael ei wneud.

Os bydd gennych chi ddiddordeb mewn darganfod mwy neu gymryd rhan yn yr astudiaethau ymchwil y mae tîm Be Part of Research yn tynnu eich sylw atynt, bydd y tîm ymchwil sy’n cynnal yr astudiaeth honno yn darparu manylion llawn i chi fel y gallwch chi benderfynu a ydych chi’n dymuno cymryd rhan.

Os byddwch chi’n creu cyfrif gyda Be Part of Research, disgwylir i chi ddilyn a chytuno i arferion da diogelwch gwybodaeth safonol, gan gynnwys:

• peidio â rhannu eich cyfrif gyda neb arall
• dewis cyfrineiriau diogel a sicrhau bod dilysiad aml-ffactor wedi’i sefydlu ar eich cyfrif
• sicrhau mai dim ond chi sy’n defnyddio eich cyfrif; os byddwch chi’n caniatáu i unrhyw un arall ddefnyddio eich cyfrif, byddwch chi’n gwneud hynny ar eich menter eich hun
• cadw eich cofnod gwirfoddolwr, diweddaru’r cofnod ag unrhyw newid manylion yn ôl y gofyn
• cytuno y caiff tîm yr astudiaeth hysbysu Be Part of Research pa astudiaethau yr ydych wedi mynegi diddordeb mewn cymryd rhan ynddynt ac yr ydych wedi cofrestru arnynt i’w caniatáu i fesur llwyddiant cofrestrfa Be Part of Research
• defnyddio ein gwasanaeth gan ddefnyddio cysylltiad diogel â’r rhyngrwyd yn unig a sicrhau bod gan eich dyfais ei meddalwedd diogelu rhag feirysau ei hun. Os hoffech chi gael rhagor o wybodaeth, ewch i wefan Cyber Aware GOV.UK

Gallwch chi roi’r gorau i ddefnyddio’r gwasanaeth hwn ar unrhyw adeg. Os byddwch chi’n dymuno tynnu’n ôl o’r gwasanaeth, yna dylech gyfeirio at yr adran “Tynnu Cydsyniad ar gyfer cyfrif Be Part of Research yn ôl” yn ein polisi preifatrwydd.

Dim ond ymchwilwyr sydd wedi’u cymeradwyo gan dîm Be Part of Research all ddefnyddio'r gwasanaeth hwn. Gall ymchwilwyr yng nghyd-destun y gwasanaeth hwn fod yn:

• staff y GIG
• staff academaidd
• gweithwyr proffesiynol cysylltiedig ag ymchwil mewn sefydliadau masnachol neu anfasnachol (er enghraifft, cydlynwyr astudio neu reolwyr prosiect)

Bydd ymchwilwyr cymeradwy yn gweithio'n agos gyda thîm Be Part of Research i ddarparu gwybodaeth gywir, fanwl a chyfredol am eu hastudiaethau a rhaid iddynt wneud y canlynol:

• cadarnhau bod yr astudiaeth wedi'i rhestru ar Bortffolio Rhwydwaith Ymchwil Glinigol NIHR a/neu eu bod yn derbyn cyllid NIHR ar gyfer yr astudiaeth
• cynnwys Be Part of Research fel offeryn recriwtio yn eu cais a gymeradwywyd i’r Pwyllgor Moeseg Ymchwil, ynghyd â'r templed e-bost i'w anfon at wirfoddolwyr
• sicrhau bod yr astudiaeth wedi'i chofrestru ar ISRCTN neu ClinicalTrials.gov (ar gyfer astudiaethau masnachol, neu'r rhai nad ydynt wedi'u cynnwys ym mhortffolio NIHR CRN) a bod y wybodaeth ar y gwefannau hynny yn cael ei diweddaru
• darparu mecanwaith priodol i dîm Be Part of Research gyfeirio gwirfoddolwyr ato, e.e. gwefan astudio, holiadur cyn sgrinio neu aelodau o’r tîm astudio a enwir. Bydd y mecanwaith hwn yn cael ei gytuno â thîm Be Part of Research cyn i awdurdodiad gael ei roi i'r astudiaeth ddefnyddio cofrestrfa Be Part of Research i recriwtio cyfranogwyr
• sicrhau mai dim ond at ddiben rôl y sefydliad wrth weinyddu’r gwasanaeth hwn y caiff unrhyw wybodaeth bersonol am wirfoddolwyr ei defnyddio gan sefydliadau partner
• ymateb i wirfoddolwyr o fewn yr amserlenni y cytunwyd arnynt ar gyfer eu hastudiaeth drwy dîm Be Part of Research, er mwyn sicrhau eu bod yn darparu profiad da o'r gwasanaeth i wirfoddolwyr
• cymryd camau eraill i hyrwyddo profiad da o'r gwasanaeth a'u hastudiaeth ar gyfer gwirfoddolwyr, ac i fonitro profiad y rhai sy’n cymryd rhan yn yr astudiaeth fel y gellir gwneud gwelliannau pellach i brofiad cyfranogwyr
• darparu manylion gwirfoddolwyr Be Part of Research sy’n cael eu recriwtio i'r astudiaeth. Bydd gwirfoddolwyr yn derbyn rhif cyfeirnod unigryw, y byddant yn ei rannu gyda'r tîm astudio wrth iddynt gael eu recriwtio i'r astudiaeth. Cyfrifoldeb yr ymchwilydd yw sicrhau bod cofnod yn cael ei gadw o'r rhifau cyfeirnod hyn i'w cyflwyno i dîm Be Part of Research
• rhannu canfyddiadau'r ymchwil gyda gwirfoddolwyr Be Part of Research unwaith y byddant ar gael

Gall methu â chydymffurfio â'r telerau ac amodau hyn, neu gwynion difrifol/niferus gan gyfranogwyr, olygu y caiff mynediad i'r gwasanaeth ei wrthod ar gyfer astudiaethau cyfredol neu astudiaethau yn y dyfodol. Noddwr unrhyw astudiaeth benodol sy’n gyfrifol am sicrhau bod gwasanaeth Be Part of Research yn cael ei ddefnyddio yn unol â'r telerau ac amodau hyn.

Bydd yr holl staff sy’n rheoli Be Part of Research yn sicrhau bod buddiannau gwirfoddolwyr yn cael eu hybu a’u diogelu i geisio sicrhau profiad cadarnhaol o wirfoddoli i gymryd rhan mewn gwaith ymchwil, ac i ddiogelu uniondeb y system ymchwil iechyd a gofal.

Dim ond tîm Be Part of Research fydd yn gweld unrhyw wybodaeth bersonol am wirfoddolwyr, at y diben o baru gwirfoddolwyr â chyfleoedd mewn astudiaethau ymchwil iechyd gan ddefnyddio cofrestrfa Be Part of Research ac unrhyw weithgareddau cysylltiedig a dim mwy. Mae’n rhaid i’r holl wybodaeth a dogfennau y ceir mynediad atynt trwy gofrestrfa Be Part of Research gael eu trin yn gwbl gyfrinachol bob amser a’u rheoli o dan ddyletswydd o hyder yn unol â deddfwriaeth diogelu data gyfredol.

Ein tîm datblygu a rheoli gwasanaeth, PA Consulting, sy’n cadw’r data ar gyfer cofrestrfa Be Part of Research ar Amazon Cognito, fel yr amlinellir yn ein polisi preifatrwydd. Mae PA Consulting yn gyfrifol am storio’r data ac ni fydd ganddynt fynediad at y data hyn ac eithrio o dan amgylchiadau eithriadol fel bod angen mynediad at y system i ddatrys problem dechnegol ddifrifol. Wrth gael mynediad at y system yn y ffordd hon, bydd disgwyl i PA Consulting sicrhau bod trefniadau diogelwch cadarn ar waith i atal datgeliad direswm o unrhyw ddata a rhoi sylw i’r gofynion cyfrinachedd uchel a briodolir i unrhyw ddata sensitif y gallent eu gweld yn ystod mynediad o’r fath.

Gallai’r gwasanaeth hwn gynnwys dolenni i wefannau eraill. Nid ydym yn gyfrifol am gynnwys unrhyw wefan trydydd parti ac nid yw dolen i wefan arall yn gyfystyr mewn unrhyw ffordd â’n cymeradwyaeth o’i chynnwys.

Cewch gynnig dolen i wefan Be Part of Research, gan gynnwys trwy’r teclyn a ddarperir gennym, ond mae’n rhaid i chi wneud hynny mewn ffordd sy’n deg ac yn gyfreithlon ac nad yw’n niweidio ein henw da nac yn manteisio arno. Ni ddylech sefydlu dolen yn y fath ffordd sy’n awgrymu unrhyw fath o gysylltiad, cymeradwyaeth neu gefnogaeth o’n tu ni. Rydym yn ymgymryd ag olrhain y teclyn a dolenni trwy Google Analytics i ddadansoddi ffynhonnell ymwelwyr â gwefan Be Part of Research.

Er bod NIHR RDNCC yn gwneud pob ymdrech i sicrhau bod yr holl wybodaeth ar Be Part of Research yn gywir ac ar gael yn brydlon, darperir y Gwasanaeth “fel y mae" ac ni allwn sicrhau

1. bod yr wybodaeth yn gywir, yn gyflawn neu’n gyfredol
2. y bydd y gwasanaeth hwn yn bodloni eich gofynion neu’n diwallu eich anghenion penodol
3. y bydd mynediad at y gwasanaeth, neu ddefnydd ohono, yn ddi-dor neu’n gwbl ddiogel

Os byddwch chi’n dod o hyd i wybodaeth anghywir, rhowch wybod i ni trwy gysylltu â bepartofresearch@nihr.ac.uk

Rydym yn ymdrechu i ddarparu lefelau uchel o argaeledd gwasanaeth. Fodd bynnag, ni sicrheir argaeledd ar unrhyw adeg, yn enwedig y tu allan i oriau cymorth. Mae cymorth wedi’i gyfyngu i oriau gwasanaeth craidd (9am i 5pm ddydd Llun i ddydd Gwener, ac eithrio gwyliau banc).

Mae gwefan Be Part of Research hefyd yn rhestru cymaint o’r gwaith ymchwil sy’n cael ei wneud yn y DU â phosibl i alluogi gwirfoddolwyr i chwilio am astudiaethau y gallai fod diddordeb ganddynt mewn cymryd rhan ynddynt; mae’r elfen chwilio am astudiaethau hon yn derbyn data astudiaethau o’r cofrestrau cyhoeddus canlynol:

• clinicaltrials.gov (http://clinicaltrials.gov/)
• ISRCTN (http://www.isrctn.com/)

Nid yw manylion yr astudiaethau yn Be Part of Research wedi newid o ffrwd y ffynhonnell wreiddiol ac maent yn cynnwys dolen yn ôl i’r ffynhonnell wreiddiol honno. Mae Be Part of Research yn caniatáu i’r cyhoedd chwilio am astudiaethau ymchwil sy’n cael eu cynnal yn y DU o un wefan. Nid oes gan y system y gallu i ychwanegu, gwaredu, newid neu ddileu unrhyw ran o’r data a ddarperir gan ClinicalTrials.gov ac ISRCTN.

Gan fod y cofrestrau sy’n darparu data’r astudiaeth yn allanol i Be Part of Research, ni all y gwasanaeth dderbyn cyfrifoldeb nac atebolrwydd am gynnwys yr wybodaeth a ddarperir.

Mae rhai manylion astudiaethau hefyd yn dod o System Rheoli Portffolio Ganolog NIHR, nad yw ar gael i’r cyhoedd. Ni all tîm Be Part of Research waredu, newid na dileu’r wybodaeth hon.

Mae’r telerau defnydd hyn (ynghyd a’r hysbysiad preifatrwydd a’r polisi cwcis y cyfeirir atynt yn y telerau defnydd hyn) yn cyflwyno’r cytundeb cyfan rhyngoch chi a ni yng nghyswllt y gwasanaeth hwn.

Os byddwch chi’n dod yn ymwybodol o unrhyw ddiffyg cydymffurfiad o ran defnyddio’r gwasanaeth hwn a’r data dan sylw, yna dylech ei adrodd i rdncc.ig@nihr.ac.uk

Yr Adran Iechyd a Gofal Cymdeithasol, fel rheolydd data gwasanaeth Be Part of Research, sy’n berchen ar yr eiddo deallusol i’r gwasanaeth hwn ac mae’n gyfrifol am reoli’r berthynas rhwng darparwyr data’r astudiaethau trydydd parti.

Mae’r enwau, y delweddau a’r logos sy’n nodi gwefan Be Part of Research yn nodau perchnogol i’r NIHR a’r Adran Iechyd a Gofal Cymdeithasol.

Byddem yn falch iawn pe byddech chi’n hoffi helpu i hyrwyddo’r gwasanaeth hwn. Os hoffech chi gopïo neu ddefnyddio unrhyw ddeunydd, yna cysylltwch â’r tîm ar bepartofresearch@nihr.ac.uk.

Dyma ffynonellau pellach o wybodaeth:

Polisi Preifatrwydd Be Part of Research ar gyfer y gwasanaeth hwn, sy’n cynnwys manylion cyswllt ar gyfer ceisiadau gwybodaeth sy’n gysylltiedig â GDPR:

Ar gyfer adrodd unrhyw beth amheus neu ddrygau o ran y defnydd o’r gwasanaeth hwn e.e. diffyg cydymffurfiad â’r ffordd y dylid defnyddio’r gwasanaeth hwn: rdncc.ig@nihr.ac.uk

Ar gyfer ymholiadau am y telerau ac amodau hyn: bepartofresearch@nihr.ac.uk

Mae gwefan Be Part of Research a deunydd yn ymwneud â gwybodaeth, cynhyrchion a gwasanaethau’r Llywodraeth (neu â gwybodaeth, cynhyrchion a gwasanaethau trydydd parti), yn cael eu darparu ‘fel y maent’, heb wneud unrhyw sylwadau a chymeradwyaeth a heb sicrwydd o unrhyw fath pa un a yw’n bendant neu’n ymhlyg, gan gynnwys ond heb ei gyfyngu i’r sicrwydd ymhlyg o ansawdd boddhaol, addasrwydd at ddiben penodol, dim diffyg cydymffuriad, cydweddoldeb, diogelwch a chywirdeb.

Nid ydym yn sicrhau y bydd y swyddogaethau sydd wedi’u cynnwys yn y deunydd sydd wedi’i gynnwys ar y wefan hon yn ddi-dor neu’n rhydd o wallau, y bydd diffygion yn cael eu cywiro, nac y bydd y wefan hon neu’r gweinydd sy’n ei gwneud ar gael yn rhydd o feirysau neu’n cynrychioli gweithrediad, cywirdeb, dibynadwyedd llawn y deunyddiau.

Ni fyddwn yn atebol am unrhyw golled neu ddifrod mewn unrhyw achos, gan gynnwys heb gyfyngiad colled neu ddifrod anuniongyrchol neu ganlyniadol, neu unrhyw fath o golled neu ddifrod sy’n deillio o ddefnyddio neu fethu â defnyddio data neu elw sy’n deillio o ddefnyddio bepartofresearch.nihr.ac.uk neu sy’n gysylltiedig â’i defnyddio.

Er y gallem fonitro neu adolygu o bryd i’w gilydd drafodaethau, sgyrsiau, negeseuon, darllediadau, negesfyrddau a phethau tebyg ar Be Part of Research, nid oes unrhyw rwymedigaeth arnom i wneud hynny ac nid ydym yn cymryd unrhyw gyfrifoldeb nac atebolrwydd yn deillio o gynnwys unrhyw leoliadau o’r fath nac am unrhyw wall, hepgoriad, diffyg cydymffurfiad, difenwad, anweddustra, neu anghywirdeb sydd wedi’i gynnwys mewn unrhyw wybodaeth yn y lleoliad hwn sy’n ymddangos ar nihr.ac.uk.

Bydd y telerau ac amodau hyn yn cael eu llywodraethu gan gyfreithiau Cymru a Lloegr ac yn cael eu dehongli yn unol â nhw. Bydd unrhyw anghydfod sy’n codi o dan y telerau ac amodau hyn yn destun awdurdodaeth gyfyngol llysoedd Cymru a Lloegr.

Paratowyd y telerau ac amodau ar gyfer Be Part of Research ar 10 Mehefin 2024.